आज : २०७६ कात्तिक १० गते

Nepal Mediciti Hospital Ad

भारतमा डुङ्गा दुर्घटना ११ जनाको मृत्यु

तपाईको खबर संवाददाता प्रकाशित : भदौ २७, २०७६ अन्तर्राष्ट्रिय, प्रवास

भारतीय राज्य मध्य प्रदेशको भोपालमा गणपति विसर्जनका क्रममा डुंगा दुर्घटना हुँदा ११ जनाको मृत्यु भएको छ ।

गणपति विर्सजनका क्रममा भएको डुंगा दुर्घटनामा ११ जनाको मृत्युसँगै अन्य कैयौं व्यक्ति घाइते भएका जनाइएको छ ।

अझै पनि २ जना बेपत्ता रहेका जनाइएको छ । उक्त घटना भोपालको चर्चित ताल खाटलापुरा घाटमा भएको हो ।

घटनापछि डुंगा चलाउने २ जनालाई प्रहरीले नियन्त्रणमा लिएको छ । दुर्घटनामा परेको डुंगाका चालक आकाश बाथम र चङ्गु बाथमविरुद्ध एफआईआर दर्ता गरिएको स्थानीय प्रहरीले जनाएको छ ।

मध्य प्रदेशका मुख्यमन्त्री कमलनाथले घटनाको उच्चस्तरीय जाँचको आदेश दिएका छन् ।

खाटलापुर घाटमा शुक्रबार बिहान करिब साढे ४ बजे उक्त दुर्घटना भएको जनाएको छ । प्रदेशका जनसम्पर्क मन्त्री पीसी शर्माले मृतकका परिवारलाई सरकारले प्रतिपरिवार ४ लाख रुपैयाँ दिने बताए ।

 

प्रतिकृया दिनुहोस्

सम्बन्धित