आज : २०७६ कात्तिक ४ गते

Nepal Mediciti Hospital Ad

‘कबड्डी कबड्डी कबड्डी’को टीजर सार्वजनिक

तपाईको खबर संवाददाता प्रकाशित : असार २३, २०७६ भिडियो, मनोरञ्जन
kabaddi 3

माटो सुहाउँदो फिल्म बनाउन सिपालु मानिने निर्देशक रामबाबु गुरुङ निर्देशित हिट फिल्म ‘कबड्डी’ को तेस्रो सिक्वेल ‘कबड्डी कबड्डी कबड्डी’ को अफिसियल टीजर सार्वजनिक भएको छ । भाद्र १३ गतेलाई प्रदर्शन मिति घोषणा गर्दै सार्वजनिक गरिएको १ मिनेट २९ सकेण्ड छोटो टीजर इन्गेजिङ छ । दोस्रो पार्ट जहाँ अन्त्य भएको थियो तेस्रो सिक्वेल त्यहीँबाट सुरु हुने टीजरले प्रस्ट्याउँछ ।

टीजरको सुरुवातमा अभिनेता दयाहाङ राई (काजी) ‘मैयाँ’ उर्फ रिश्मा गुरुङको फोटो हेरेर टुलाइरहेका छन् । उनको साथमा विजय बराल छन् । फिल्ममा फ्रेस रोलमा इन्ट्री भएकी ‘क्याप्टेन’ गर्ल उपासना सिंह ठकुरीसँग दयाहाङसँगको प्रेम र रोमान्सलाई टीजरमा विशेष स्थान दिइएको छ । तर, टीजरको अन्तिम दृश्यले भने कन्फ्यूज बनाउन सक्छ । टीजरमा फिल्मप्रति दर्शकमा उत्सुकता जगाउने ल्याकत देखिन्छ ।

फिल्ममा थुप्रै नाम चलेका कलाकार भए पनि दया, उपासना र विजयभन्दा अरुले टीजरमा स्थान पाएका छैनन् । यो फिल्मको अघिल्ला दुई श्रृंखला सुपरहिट भएका कारण ‘कबड्डी कबड्डी कबड्डी’ को दर्शकमा व्यग्र प्रतिक्षा छ । स्वजातिय विवाह र अन्तर्जातिय प्रेम सम्बन्धको अन्तरद्वन्द्वको कथामा आधारित भएर फिल्म निर्माण भएको हो । यसको कथा निर्देशक निर्देशक गुरुङ र उपेन्द्र सुब्बाले तयार पारेका हुन् ।

बासुरी फिल्मस्को निर्माण, सिनेमा आर्टको प्रस्तुति, माउण्टेन स्टोरिज र नौमती इन्टरटेन्मेन्टको सहकार्यमा निर्माण भएको फिल्मलाई शैलेन्द्र डि. कार्कीले खिचेका हुन् । फिल्ममा कर्मा, रिश्मा गुरुङ, माओत्से गुरुङ, पुस्कर गुरुङ, कविता आले, विल्सन विक्रम राई, लुनिभा तुलाधर, बुद्धि तामाङ, कमलमणी नेपाल, अरुणा कार्कीलगायतका कलाकारहरुको पनि अभिनय छ । यसको सम्पादन निमेश श्रेष्ठले गरिरहेका छन् ।

प्रतिकृया दिनुहोस्

सम्बन्धित