Nepal Mediciti Hospital Ad

गोरखामा न्वारानको भोज खाँदा एकै गाउँको ४० जना बिरामी

तपाईको खबर संवाददाता प्रकाशित : असार १८, २०७६ पत्रपत्रिकाबाट, समाचार
food poisioning

गोरखाको शहीद लखन गाउँपालिका–६ वतासेका करिब ४० जना स्थानीय वासिन्दा एकै पटक बिरामी परेका छन् । उनीहरुमा टाउँको दुख्ने, ज्वरो आउने, वान्ता हुने तथा पखाला लाग्ने जस्ता समस्या देखिएको गाउँपालिका स्वास्थ्य शाखा प्रमुखले बताएका छन् ।

‘मंगलबार साँझदेखि एक्कासी यस्तो समस्या देखिएछ, हाम्रो स्वयंसेविका मार्फत वुधबार बिहान खबर आयो, अहिले हामी घरघरै गएर उपचार गरिरहेका छौं’ उनले भने ।

केही बिरामीको स्वास्थ्यसंस्थामै उपचार गरिएको उनले बताए । फुड पोइजनका कारण बिरामी भएको हुनसक्ने उनको अनुमान छ । ‘सोमबार स्थानीय फुलमाया श्रेष्ठको घरमा छोराको न्वारानको भोज रहेछ, त्यही भोज खाएपछि बिरामी परेका रहेछन्,’ श्रेष्ठले भने ।

भोजमा कुखुराको मासु खाएका जति बिरामी परेकाले मासुकै कारण फुड पोइजन भएको अनुमान गरिएको छ । ‘मासु नखानेलाई केही भएको छैन, खाने मात्र बिरामी परेका छन्,’ उनले भने । घैरुङ स्वास्थ्य चौकी र गाउँपालिकाको स्वास्थ्य शाखा टिमले विरामीको उपचार गरिरहेको छ । बिरामीको अवस्था सामान्य रहेको छ ।

प्रतिकृया दिनुहोस्

सम्बन्धित