Nepal Mediciti Hospital Ad

विश्वकपको अघिल्लो दिन स्पेनका प्रशिक्षक बर्खास्त

तपाईको खबर संवाददाता प्रकाशित : जेठ ३०, २०७५ Flash News, खेलकुद, मुख्य खबर, समाचार
spain kheladi-tapaikokhabar

विश्वकप सुरु हुने अघिल्लो दिनमात्रै स्पेनले राष्ट्रिय टोलीका प्रशिक्षकलाई कारबाही गरेको छ । स्पेनिस फुटबल संघले प्रशिक्षक जुलियन लोपेतेगीलाई प्रशिक्षकबाट बर्खास्त गरेको हो ।

रियल मड्रिडले जुलियन लोपेतेगीलाई क्लबको नयाँ प्रशिक्षकमा नियुक्त गरेपछि संघ रुष्ट बनेको थियो । गएको मे मा अप्रत्यासित रुपमा जिनेदिन जिदानले राजीनामा दिएपछि रियल मड्रिड नयाँ प्रशिक्षकको खोजीमा थियो । जिदानले रियल मड्रिडमा साढे दुई वर्ष बिताए र क्लबलाई तीनपटक लगातार युरोपियन च्याम्पियन बनाए ।

तेस्रो पटक च्याम्पियन्स लिगको उपाधि दिलाएको हप्ता दिन नबित्दै जिदानले राजीनामा दिएका थिए । जिदानको राजीनामापछि क्लब सुहाउँदो नयाँ प्रशिक्षकको खोजीमा रहेको रियलले त्यसको विकल्प स्पेनका प्रशिक्षक लोपेतेगीमा भेटेको हो ।

तर उनलाई भने क्लबको नियुक्ती लिएको केहि दिनमै राष्ट्रिय टोलीबाट बर्खास्त गरियो ।

प्रतिकृया दिनुहोस्

सम्बन्धित