Nepal Mediciti Hospital Ad

म जन्मिए आमा बितिन, थाहा छैन बाबा कोहो !

तपाईको खबर संवाददाता प्रकाशित : वैशाख २४, २०७५ कला खबर, गजल, साहित्य
kalpana-tapaikokhabar

   ‘गजल’

लौन हजुर मलाई पनि, सुखी सन्सार देख्न मन छ
धेरै हैन जिबनमा, थोरै खुशी थेग्न मन छ

म सङ्गैको साथीहरू, स्कुल गएको देख्दाखेरि
कस्तो हुन्छ त्यो पाठशाला, मलाई पनि टेक्न मन छ

सडक बाट शुरु भयो, संघर्षका दिनहरु
गह्रौ भारी फोहोरको , अब मलाई फेक्न मन छ

पेटभर खादा पुग्छ मलाई, चाह छैन खेलौनाको
पढिलेखि दुइ-चार अक्षर, अन्धकारलाई छेक्न मन छ

म जन्मिए आमा बितिन, थाहा छैन बाबा कोहो
नखुलेको परिचय, यी हातले लेख्न मन छ

-कल्पना घर्ती, थापा

प्रतिकृया दिनुहोस्

सम्बन्धित