राष्ट्रिय परिचयपत्र वितरण सुरु, पहिलो परिचयपत्र पाउने १०१ वर्षीया भगवतीदेवी | बसको ठक्करबाट साइकलमा सवार एक विद्यार्थीको मृत्यु | ‘ए’ डिभिजन लिग फुटबल : सङ्कटाद्वारा जावलाखेल पराजित | राष्ट्रिय वाणिज्य बैंकको चालू आर्थिक वर्षको तीन महीनामा १ अर्ब १२ करोड नाफा | नेकपाको सचिवालय बैठक मङ्सिर ६ मा, यी विषयहरुमा छलफल हुने | क्यालिफोर्निया डढेलो: मृत्यु हुनेको संख्या ७७ पुग्यो, ९९३ अझै बेपत्ता | छोरालाई सम्झिएर भावुक हुँदै प्रचण्डले भने, ‘सबैकोे साथले आफ्नो परिवार बिघटन हुनबाट जोगियो’ | प्रतिनिधिसभा अर्थ समितिको बैठक स्थगन | स्वास्थ्यमा समस्या देखिएपछि डा. केसी अस्पताल भर्ना | ‘ए’ डिभिजन लिग फुटबल : आज तीन खेल हुँदै
Nepal Mediciti Hospital Ad

डा.सुनिल शर्माले बचाए ५ बर्षीय बालकको ज्यान (भिडियोसहित)

तपाईको खबर संवाददाता प्रकाशित : वैशाख ४, २०७५ भिडियो, मुख्य खबर, शिक्षा-स्वास्थ्य, समाचार
baby-tapaikokhabar

छोराको उपचार गर्ने पैसा नहुँदा पीडा झेल्दै आएकी मोरङको पथरीशनिश्चरे–१० जिरिखिम्तिकी भीमा लिम्बुको मुहारमा अहिले पुनःखुशी देखिन थालेको छ ।

दयनीय आर्थिक अवस्थाको लिम्बु परिवारले उपचारका लागि पैसाको जोहो गर्न नसक्दा ५ बर्षीय छोरा सौजनलाई गुमाउनुपर्ने अवस्था थियो । तर, विराटनगर स्थित नोबेल शिक्षण अस्पताल सञ्चालक डा. सुनिल शर्माले सौजनको उपचारमा साथ दिएपछि लिम्बु परिवारको यो पीडा खुःशीमा बदलिएको हो ।

घर बनाउँने काममा ज्याला मजदुरी गरेर दुई छाकको जोहो गर्दै आएको लिम्बु परिवारको आर्थिक अवस्था अत्यन्तै दयनीय छ । आफ्नो घर नहुँदा खोला किनारमा रहेको अर्कैको बाँसको टहरोमा मासिक ५ सय भाडा तिरेर जिबिका गर्दै आएका छन् ।

दुई छाक टार्नसमेत गाह्रो भईरहेको अवस्थामा कान्छो छोरा सौजनको क्षयरोगका कारण फोक्सो कुहिएपछि फोक्सोको आधा भाग नै काट्नुपर्ने अवस्था आयो । दयनीय आर्थिक अवस्थाको लिम्बु परिवारले छोराको उपचार गर्न सक्ने अवस्था थिएन ।

तर, नोबेल अस्पताल सञ्चालक डा. शर्माले उपचारका क्रममा आवश्यक सवै सहयोग गरेर छोरा बचाईदिएको आमा भीमा लिम्बुले बताएकी छन् । ‘पैसा नभएर उपचार गर्न नसक्दा छोरालाई त्यसै घर फर्काउन लागेका थियौं ।’ भीमाले भक्कानिदै भनिन् ‘धन्न सुनिल सरको साथ पाएकाले छोरालाई जिउँदो देख्न पाएको छु ।’

फोक्सो कुहिएर श्वासप्रश्वास असहज भएपछि सौजनलाई नोबेल अस्पताल ल्याईएको थियो । नोबेलमा १५ दिनको उपचारबाट पनि ठिक नभएपछि सौजनको फोक्सोको आधा भाग नै काट्नुपर्ने भयो । नोबेलमा फोक्सो काट्ने उपकरण नभएपछि उनलाई धरान स्थित वीपी कोईराला स्वास्थ्य बिज्ञान प्रतिष्ठान लगेर फोक्सोको आधा भाग नै काटेर फालिएको छ ।

सौजनको उपचारका क्रममा डा.शर्माले सम्पूर्ण उपचार खर्च बेहोर्नुका साथै औषधिसमेत निःशुल्क उपलब्ध गराएका छन् । बच्चाको उपचारका क्रममा परिवारलाई खानाको ब्यवस्थासमेत शर्माले नै मिलाईदिएका थिए । डा।शर्माले नै एम्वुलेन्स ब्यवस्था गरी घोपा पठाएर त्यहाँ लागेको सम्पूर्ण खर्च पनि आफैले बेहोरी छोरालाई जिवनदान दिएको भीमाले बताएकी छन् । उपचारपछि अहिले सौजनको अवस्था सामान्य छ ।

डा.शर्माले बच्चालाई नयाँ जिवन दिएको भन्दै स्थानीयले पनि खुशी ब्यक्त गरेका छन् । शर्माले धेरै विपन्न विरामीलाई नयाँ जिवन दिएको भन्दै जिरिखिम्तीका स्थानीय अर्जुनप्रसाद पोख्रेलले पनि शर्माको सेवाभावको प्रसंसा गरे ।

यता नोबेल अस्पताल सञ्चालक डा. शर्माले उपचार गर्न नसक्दा बच्चा गुमाउनुपर्ने अवस्था आएको थाहा पाएर सहयोग गरेको प्रतिक्रिया दिएका छन् । ‘बिपन्न विरामीलाई सहयोग गर्न पाउँदा मलाई गर्व लाग्छ ।’ डा. शर्माले भने ‘मैले सकेसम्म सदैब बिपन्न विरामीलाई सहयोग गर्नेछु ।’ शर्माले यसअघि पनि हजारौ विपन्न विरामीलाई निःशुल्क उपचारको ब्यवस्था गरेका छन् ।

प्रतिकृया दिनुहोस्

सम्बन्धित