रसुवागढी–केरुङ रेलमार्ग : डीपीआरका लागि सम्झौता | नेपाल–चीनबीच १० वटा सम्झौता, थप चार विषयमा ‘लेटर अफ एक्सचेन्ज’ | नेपाली कम्युनिष्ट एकतालाई विश्वले साथ दिन्छः प्रधानमन्त्री | घरजग्गाको विवादमा दाजुले गरे भाइको हत्या | प्रधानमन्त्री ओलीले गरे स्कुल विभागको संग्रहालय अवलोकन | राजपाको महाधिवेशन आगामी वैशाखमा हुने | राष्ट्रपति ट्रम्पद्वारा आप्रवासी नागरिकसम्बन्धी नीतिमा परिवर्तन | ओली ज्यू काठमाण्डौं पुग्दा-नपुग्दा रेल पनि सङ्गै पुग्छ : चिनियाँ राष्ट्रपति सी | रेल्वे निर्माणबारे भोलि दुई देशबीच सम्झौता हुँदै | उरुग्वे विश्व कपको नकआउट चरणमा प्रवेश , स्वारेजको गोल

देउवा र प्रकाशमानलाई झड्का, पार्टी संसदीय दलको नेता सर्वसम्मत नै

तपाईको खबर संवाददाता प्रकाशित : फागुन १७, २०७४ Flash News, मुख्य खबर, समाचार
congress-sarkar-TAPAIKOKHABAR

 नेपाली काँग्रेसका नेताहरुले पार्टी संसदीय दलको नेता सर्वसम्मतिमै चयन गर्नुपर्नेमा जोड दिएका छन ।

पार्टी सभापति शेरबहादुर देउवा र पूर्व महामन्त्री प्रकाशमान सिंहले संसदीय दलको नेताका लागि उम्मेदवारी दिने तयारी गरिरहेको समयमा पार्टीका शीर्ष नेताहरुले सर्वसम्मतिमै दलको नेता चयन गर्नुपर्नेमा जोड दिएका छन् ।

काँग्रेस नेता भीमसेनदास प्रधानले देश, जनता र पार्टीको हितका लागि पनि संसदीय दलको नेता चयनका लागि निर्वाचनमा जान उपयुक्त नहुने बताए । उनले पार्टीलाई एकताबद्ध बनाएर लैजाने सन्देश दिन पनि नेताहरुले दलको नेतामा प्रतिस्पर्धा गर्न नहुनेमा जोड दिए ।

नेता मोहम्मद अफताव आलमले संसदीय दलको नेता सर्वसम्मतिमै चयन हुने दावी गरे । उनले पार्टीले निर्वाचनमा पराजय व्यहोरेको समयमा दलको नेता चयनमा विवाद गरिरहन नहुनेतर्फ पार्टी नेतृत्वको ध्यानाकर्षण गराएका छन् । नेता आलमले ५ वर्ष भित्र पार्टीलाई पुरानै अवस्थामा फर्काउन पनि दलको नेता चयन सहमतिकै आधारमा गर्न उपयुक्त हुने सुझाव पार्टी नेतृत्वलाई दिएका छन् ।

त्यसैगरी नेता तुलानारायण चौंधरीले जुन नेताको नाममा सहमति हुन्छ उसैलाई दलको नेता चयन गर्नुपर्ने धारणा राखेका छन् । उनले पार्टी कमजोर भएको बेला नेताहरुले दलको नेताका लागि प्रतिस्पर्धा गर्न नमिल्ने बताए ।

काँग्रेस सांसद पुष्पा भुसालले सर्वसम्मतिमै संसदीय दलको नेता चयन गर्न प्रयास गर्न लागिपर्ने प्रतिवद्धता व्यक्त गरिन्। संसदमा प्रतिपक्षको भूमिकालाई प्रभावकारी बनाउने गरी पार्टीलाई एकताबद्ध बनाउन पनि संसदीय दलको नेता सहमतिमा चयन गर्न उपयुक्त हुने उनको सुझाव छ ।

काँग्रेस संसदीय दलको निर्वाचन सोमबार हुँदैछ । निर्वाचनका लागि सभापति देउवाको उम्मेदवारीलाई स्वभाविकै दावेदारको रुपमा हेरिएको छ भने पूर्व महामन्त्री सिंहले देउवा असफल भएको दावी गर्दै आफूले उम्मेदवारी दिने घोषणा गरेका छन् ।

पार्टीका वरिष्ठ नेता रामचन्द्र पौडेल पक्षले पनि पार्टीले निर्वाचनमा हार व्यहोरेको बेला देउवाले संसदीय दलको नेतामा दाबी गर्न नहुने तर्क गर्दै आएको छ ।

प्रतिकृया दिनुहोस्

सम्बन्धित