चिकित्सा शिक्षा विधेयकमा सहमति नजुटेपछि संसद बैठक ११ गतेसम्मका लागि स्थगित | विमानस्थल निर्माणमा सरकारले सम्पूर्ण सहयोग उपलब्ध गराउने प्रधानमन्त्री प्रतिबद्धता | शिक्षामन्त्री भन्छन्, ‘चिकित्सा शिक्षा विधेयक परिमार्जन गर्न सकिन्छ तर फिर्ता हुँदैन’ | सेवा सूचारु गराउन माग गर्दै वीर अस्पतालमा प्रर्दशन, उपचारमा नर्फकिए आन्दोलन गर्ने चेतावनी | जुम्लामा डा.केसीका समर्थकमाथि प्रहरीको लाठी चार्ज, दर्जन भन्दा बढी घाइते | डा. केसीद्वारा काठमाडौं आउन अस्वीकार, समर्थहरुको प्रदर्शन भएपछि मुख्यमन्त्रीको टोली फर्किए | स्वयम्भूमा कन्टेनरको ठक्करबाट मोटरसाइकलमा सवार एक जनाको मृत्यु | रेष्टुराँमा आगलागी हुँदा ६० लाखको क्षति | देशभरका सरकारी अस्पतालमा डाक्टरको हडताल, आकस्मिक बाहेकका सेवा बन्द | प्रतिनिधिसभाको बैठक आज बस्दै, चिकित्सा शिक्षा विधेयक पेश गर्ने तयारी

‘कांग्रेसले बनाएको दक्षिणपन्थी गठबन्धन हो, वास्तविक लोकतान्त्रिक गठबन्धन हाम्रो हो’: ओली

तपाईको खबर संवाददाता प्रकाशित : मंसिर १०, २०७४ मुख्य खबर, राजनीति

एमाले अध्यक्ष केपी शर्मा ओलीले चुनावपछि बलियो सरकार बन्ने बताउँदै त्यसले विकासको लहर नै ल्याउने दाबी गरेका छन् ।

काठमाडौंको बौद्धमा आइतबार भएको पार्टी प्रवेश कार्यक्रममा अध्यक्ष ओलीले बहुमतमात्रै होइन, भिजन भएको बलियो सरकार बन्ने बताए । ‘ढाल्ने होइन, हल्लाउन नसक्ने सरकार बन्छ,’ उनले भने, ‘मिलिजुली बाँडीचुँडी खान होइन, देश बनाउन एक भएका हौं ।’

ओलीले कांग्रेसले बनाएको चुनावी गठबन्धन लोकतान्त्रिक नभएको आरोप लगाए । ‘त्यो दक्षिणपन्थी गठबन्धन हो,’ उनले भने, ‘वास्तविक लोकतान्त्रिक गठबन्धन हाम्रो हो, प्रगतिशील गठबन्धन हो । लोकतान्त्रिक हुन्थ्यो भने एमाले र माओवादी केन्द्र मिल्दा किन डराउनुपर्थ्यो ।’

ओलीले दलाई लामाले ‘गौतम बुद्ध भारतमा जन्मेको’ भनेर बोल्नै नहुने कुरा बोलेको बताए । ‘नेपालीले लगाएको गुन बिर्सेर, नेपालको राष्ट्रियतामा धक्का दिनुभयो,’ उनले भने, ‘यसमा अन्तर्राष्ट्रिय षड्यन्त्र लुकेको छ, कोचले सिकाएर उनले त्यस्तो बोलेका हुन् ।’ दलाई लामाले यस गल्तीलाई सच्याउने उनको अपेक्षा गरे ।

प्रतिकृया दिनुहोस्

सम्बन्धित